【本報訊】約有60%營業額是來自美國市場的利豐（494），其副主席馮國綸稱，從美國客戶所得資訊顯示，當地消費氣氛優於政府公佈數據，故有信心能達到集團三年計劃的目標。利豐宣佈，去年純利升24.27%至6.81億美元（約53億港元），優於預期。
純利53億勝預期
馮國綸說：「大家只係掛住美國個失業率又係維持喺8%，但我反而覺得，應該睇92%有工做嘅人啲消費信心係點樣，我聽客戶講就唔錯喇……尤其今年係美國選舉年，通常經濟情況都會唔錯，我估應該可以好過學者嘅估計。」
利豐行政總裁樂裕民補充，以目前情況看，不認為美國經濟會陷入雙底衰退，整體零售情況理想，惟他沒有披露目前定單情況。
歐洲方面，馮國綸則較為審慎，「歐債危機雖然暫時解決咗，但家個情況都仲好混亂，我哋有啲歐洲客戶就有少少擔心……由於歐元流通量有所增加，部份客戶亦要開始為歐元兌美元貶值做準備，希望出年會好啲啦。」
去年完成19收購
利豐去年營業額200.3億美元，按年升25.88%，每股盈利8.43美仙，末期息增30.77%至34港仙。ThomsonOne綜合19家證券行數據，平均預測利豐去年純利約6.09億美元。
據利豐去年公佈的三年計劃，集團目標是要將核心盈利由2010年時的約7.25億美元，增加106.86%至2013年時的15億美元。利豐去年核心盈利約8.82億美元，即已達到目標的58.8%。
馮國綸表示，雖然利豐於三年計劃的首年取得好成績，但集團無計劃上調目標。他說：「我哋一向都無調整目標嘅習慣，為咗達標，利豐已有兩手準備，就係靠自身增長同埋進行收購，舊年集團就完成咗19個收購。」不過他承認，由於全球經濟已於金融海嘯中復蘇過來，今年進行收購的難度料高於去年。他又說，會繼續透過不停重整全球各地員工，以增加效益。