【本報訊】華潤創業（291）截至去年底止全年業績合符預期，純利28.32億元，按年跌50.09%，主因去年缺乏巨額一次性收益，末期息減15.79%至0.32元。首席財務官兼執行董事黎汝雄表明，今年不會減慢發展步伐。
40%資本開支作併購
他說：「相對以前，今年中國經濟增長係會放慢，但由於華創係睇長線，唔係做投機嘅，所以我哋會繼續開店……舊年我哋大約開咗500間分店，今年都會維持番開呢個數目，連同收購全年資本開支大約83億，去年就大約120億。」
他又指出，集團會繼續進行收購，「暫時而言，60%資本開支會用嚟開店，剩番40%就用來收購……無論係啤酒或零售業務，以至食品同飲料市場，集團都正搵緊合適收購機會。」
對於市傳華創是金威啤酒（124）的潛在買家之一，黎汝雄不作評論，只說會繼續競投及洽商，「金威係一個好資產，家係處於商談價格嘅階段，除此之外我唔可以評論太多，總之收購唔會構成融資壓力。」他又預料，今年會再上調旗下啤酒的零售價格。
黎汝雄預期，集團今年整體同店銷售額增幅將是單位數字，而整體人工支出去年大升逾40%後，有信心今年可持平。受到派息減少影響，華創昨日跟隨大市下跌1.01%至29.45元。