舒淇同余文樂主演嘅新戲《情謎》今日上畫，舒淇喺戲中四度情挑樂仔，最令人熱血沸騰嘅場面，就係舒淇喺劇團後台化妝間情挑樂仔，當時舒淇解開樂仔嘅腰帶瘋狂咀佢，跟住佢哋就喺化妝枱纏綿。另一場噴火戲，舒淇着住件好薄嘅男裝恤衫同樂仔喺床上肉搏，舒淇幾場戲都主動咀樂仔，仲問導演：「使唔使除埋衫？」嚇到導演即刻話唔使。