群星賀洪金寶娶新抱

群星賀洪金寶娶新抱

洪天明和周家蔚昨日擺酒，洪金寶做老爺，不少圈中人到賀，晚上七時，賓客陸續到達，計有張學友、趙雅芝、黃錦燊、元彪伉儷、冼國林、蔡瀾、王晶、黃百鳴等，其中學友單拖到場，他表示今日到上海演出加上有病，送上賀禮就往睇醫生，其間學友聽到陳慧琳剛生仔，即大讚她犀利，問他會否向一對人傳授生仔秘方，學友笑言：「我生女喎！問Kelly啦！」學友又教新人夫妻之道，要相親相愛，互相體諒。

張學友與記者打招呼，笑言唔識教天明生仔。

湯盈盈未有與錢嘉樂同來，可能下個結婚就輪到她。

成龍是七小福成員，師兄洪金寶做新老爺，他當然要現身恭賀。

元彪與老婆齊齊賀洪金寶做老爺。

鄺美雲盛裝來賀一對新人。

吳耀漢與洪金寶合作多年，亦畀面出席喜宴。

已婚的鍾麗淇，來見證好姊妹家蔚大喜日子。

另任姊妹的湯盈盈單拖現身，未與錢嘉樂同來，問她是否來取經？她說：「唔係，但好戥兩個朋友開心，原本叫爹哋幫我買咗啲禮券，但唔記得攞嚟，後日補番，今晚帶定廁紙，實會感動到喊。」盈盈又謂寄語天明要對家蔚一心一意。另一度傳患病的李琳琳亦精神奕奕地與老公姜大偉同來。
採訪：黃曉妍
攝影：陳志崗

譚詠麟恭喜天明結婚之餘，亦恭喜陳慧琳添丁。

黃百鳴以世伯身份，來恭賀天明與家蔚。

趙雅芝與黃錦燊結伴到場。

王晶早就到賀，似不欲錯過任何歡樂時刻。