玄學家楊天命同劉明軒主持嘅有線節目《行運秘笈》，日前去咗邵音音位於九龍塘嘅三千幾呎豪宅，揭示邵音音瘋狂購物同家居風水玄機。攝製隊一入到邵音音嘅富貴屋，全部人都即刻嘩嘩聲，原來佢間屋非常大，但邵音音竟百無禁忌話：「搬嚟呢度係因為老公鍾意個廳，貪佢夠大，但我就嫌長方形嘅大廳好似棺材一樣。」