季中加盟俄超富豪球隊安治嘅基斯杜化森巴（前），喺星期日作客莫斯科火車頭場波，俾對手球迷掟蕉，而森巴亦都不甘示弱，將隻蕉掟番上觀眾席。雖然事件冇發展到蕉來蕉往；不過被歧視嘅森巴，賽後就話好傷心，又話對小朋友嚟講係壞例子。火車頭班主就話掟蕉事件肯定冇發生，但安治要求對方揪出搞事者。