今晚足智彩戲碼強勁，由黃昏6點睇到明晨7點，波癮大者不亦樂乎。今日重心，曼城及阿仙奴蓄銳上盤俱可取，英超之爭冇咁快玩完嘅！冷門要冇人理嘅海倫芬喺荷盃反底殺退燕豪芬，入決賽。
上周末本欄推介失手，事後看來該日所挑選球隊嘅鬥志及能力喺季末俱有不足之處，要好好檢討！今日先講冇得睇齋賭嘅重心，冷博海倫芬殺入荷盃決賽。同燕豪芬剛在周日聯賽碰頭，頹極嘅燕軍竟主場大勝5:1，高古領軍首捷。短短數天，來到荷蘭盃4強，一場過；翻查近5季，主隊極有霸氣，勝出率7成，出局嘅主隊多數為下游甚至乙組球隊，以來屆由尹巴士頓接手嘅海倫芬在荷甲勢頭未散，防線多缺失嘅燕豪芬不易再予取予攜，決博主隊90分鐘復仇成功，冷W有3倍多啱胃口。
英超前列對戰兩場開讓球盤，莊家考大家眼光。曼城同阿仙奴各有明確目標，最重要上周末冇賽事回到氣；先講主場霸氣更盛嘅曼城，鬥表面復蘇嘅車仔，開半/一盤極辣，但今屆喺地頭踢聯賽如大老虎，「讓球主客和」不論[-1]或[-2]，總計勝率近8成。車仔由新帥上場取4連勝，但對手不過爾爾；曼城若再失分，英超之爭可能要提早向後上嘅紅魔投降，冇咁快玩完啩？捧主W只嫌賠率稍薄，但仍可捧上盤。比較下，唞足8天嘅阿仙奴，作客少讓更值上貼士榜；近績顯示在陣上決心澎湃，眼中沒有「和」字。對手愛華頓今屆難估，但聯賽目標幾達，會放眼足總盃重賽及有機會4強鬥利記。中游隊受讓，季尾有時反不值博。下次見報(24/3)
文：蘋果波神
今日重心推介
熱選：阿仙奴(上)
冷選：海倫芬勝(3.25)