一代名宿穆連，後生一輩球迷可能未必識，但喺勇士迷心中，又點會唔記得當年「RunTMC」呢個組合？不過3年前，做緊勇士高層嘅穆連同球會不歡而散，全世界都諗勇士點都唔會高掛佢件波衫。不過世事就係咁奇妙，早排勇士決定將穆連嘅17號波衫榮休，仲喺周一對木狼半場時舉行掛衫儀式（圖）。可惜係咁大件喜事，都幫唔到勇士主場贏波，最後都係要輸93:97。