喺波蘭有場U8嘅賽事，差啲搞到火燭！呢場8歲以下小朋友嘅比賽喺室內舉行，但班球迷就當去咗聖西路，大聲吶喊不特止，仲除衫、扔紙條同放煙花，成個體育館煙霧瀰漫（圖），場波最後要腰斬。最慘都係班小朋友，要負責執番啲紙條，認真辛苦。我求大俠真係要譴責呢班喺室內場館放煙花嘅球迷，搞到火燭燒親細路，就唔好啦！
