【本報訊】距離特首選舉投票只有五日，中聯辦及梁營經過一輪密集式秘密拉票後，據稱已成功與部份泛民選委達成「魔鬼交易」，拉攏他們改投梁振英一票。有泛民選委私下透露，他們力推白票運動就是要令出賣泛民的「二五仔」現形，「只要扣除投白票同埋冇投票嘅泛民選委，邊個投咗梁振英就即刻睇到晒」。記者：陳雪玲、白琳
據了解，中聯辦及梁營仍未有十足把握扯走唐英年逾百張支持票，因此在過去一段時間密集式私下約見部份泛民選委，利誘他們變節，「來來去去都係用公職同埋政府畀資源等等嘅甜頭，游說佢哋投梁振英，又話冇人會知佢哋投邊個一票」。消息更透露，個別泛民選委已答應「轉軚」棄何保梁，確保梁振英能以過半數的601票當選。
傳聞有社福界選委變節
有泛民選委稱，社福界泛民選委變節改投建制候選人一票的傳言近日甚囂塵上。據了解，坐擁31席的民福六十曾以內部電郵討論3.25投票日投白票、投泛民候選人何俊仁抑或離場抗議，只有約20人明確表態。
有界內人士不諱言：「喺第一輪，肯定冇人敢投畀梁振英，但係如果有第二輪，點投就未傾……我哋係聽到有人口話投畀何俊仁，其實投畀梁振英。」也有傳聞指個別香港社會工作者總工會選委可能利用該會選委投何俊仁作掩護，私下轉軚挺梁。
據了解，泛民內部早料到有「二五仔」出賣何俊仁，因此聯手高調推動白票運動，希望盡量箍實泛民選委，將流向梁振英的支持票減到最少。
梁醜陋令轉軚者變褪軚
知情人士解釋：「民主黨、公民黨同其他支持白票運動嘅選委，如果佢哋一齊入票站，一拎完選票就立即放入票箱，就保證冇人出蠱惑，唔會有人話投白票實際投畀梁振英。」有泛民選委指出，由於他們掌握了投白票及不投票的泛民選委數目，若餘下泛民選委有人改投梁振英，「只要將有投票嘅泛民選委人數，減去何俊仁得票數目，出賣民主派嘅二五仔就會立即現形」。
據了解，泛民內部已有疑似轉軚選委的名單，相信日後要追究「政治責任」不會太困難。但也有泛民選委認為，由於唐、梁二人醜陋面貌盡露，相信原本答應轉軚的人，現在恐怕也未必敢投梁振英一票，「諗過投畀梁振英嘅，家都唔敢投啦」。
香港社會工作者總工會選委李健勤否認他們會投梁振英，他指出，香港社會工作者總工會的28名選委本周四會正式決定投票意向，初步傾向在首輪投票中全投何俊仁，至於第二輪怎樣投則要再討論，暫時未有立場。他個人認為社總與梁振英立場有分歧，未有傾向投梁振英一票。