已跑入直路的特首選舉，唐梁誰勝誰敗已是全城話題，聯誼會內亦不例外，職員在走廊裏開口埋口都是「豬狼之爭」，「我會支持三號『唐振英』」，一名女職員表情嚴肅地向記者說，身旁另一女職員立即「更正」一下，記者才知道他們支持的是唐英年。
「選人品會揀何俊仁」
記者列出唐英年的種種「缺失」，惹得一班師奶級的女職員熱烈回應：「做人邊個無缺失，但佢有能力喎！」她們認為唐英年有缺失可接受，最重要是有能力管治香港。「梁振英好似好奸，做特首唔好咁奸！」其中一人煞有介事地說。
「如果選人品，我會揀何俊仁，但係做特首，要講班底，我會揀唐英年」，該聯誼會的董事總經理何豐麟原來也是唐的粉絲，他急急澄清︰「我冇政黨背景，冇受任何壓力，呢個只係我個人意見，個個雀友都可以揀自己理想嘅人選。」他說，看最近有關梁振英的報道，覺得「唔知佢個底」，寧願揀較「豬」的唐英年也不揀「狼」。
《蘋果》記者