碧咸同佢老婆維多利亞向來都係潮流達人，着衫好有品味，但碧咸近排睇番一張佢哋兩公婆十幾年前去時裝派對嘅相，就爆頭都諗唔明自己以前點解着得咁老土！碧咸就係話呢個佢同維多利亞情侶裝上陣、齊齊着黑皮褸嘅Look（圖）好唔掂喇，佢咁同傳媒講：「我家完全諗唔明點解以前要咁着，但我又真係着成咁喎。我又唔會後悔嘅，或者我嗰陣覺得咁樣好好睇啩。」