徐濠縈與黃偉文（Wyman）前晚到深圳出席時尚活動，阿徐破例於周日開工，是否因為酬勞高而犧牲家庭日？她直認不諱：「都OK㗎，如果唔係都請唔郁。」
阿徐又表示已安排家人陪女兒康堤（包包）到山頂觀光及食晚飯，問到是否已聘請保鑣嚴防拐子佬？她說：「包包有工人同司機負責接送，唔需要保鑣，佢見慣記者追訪，對可疑人物特別敏感，學校亦有教個女小心。」
Wyman指洽談演唱會DVD收錄陳奕迅唱歌部份仍處於膠着狀態，問到有否叫阿徐幫手？他說：「我唔會借用枕頭威力，彭羚因為最後一次公開唱歌，滿意效果先出碟，特登幫佢剪輯多個版本，趙學而就因為唔靚唔想被收錄。」
採訪、攝影：曾小嘉