羅樂林準女婿陳志健前日參加一場籃球賽期間，俾對手撞爆鼻樑，血流如注，嚇到喺現場打氣嘅未婚妻羅苡之死死吓。羅苡之前晚陪陳志健睇完醫生之後，放咗兩個人嘅合照喺微博，話男友個傷口見骨，縫咗10幾針。陳志健就話：「雖然已經冇大礙，但係心情仍未平復，心仍在淌血，希望嚟緊幾日傷口會好好癒合，要多啲休息！」