特首選舉舉行在即，江湖人物「上海仔」郭永鴻因飯局事件牽涉其中，有消息指上海仔很欣賞徐子珊，前晚徐子珊出席在深圳舉行的時裝活動，她主動澄清不認識上海仔，強調自己只鍾情鬼仔，故不接受追求，企圖劃清界線。
熊黛林、徐濠縈、琦琦、徐子珊、黃宗澤、吳卓羲和陳敏之等，前晚出席於深圳舉行的時尚活動，徐子珊以粉紅色低胸裙，谷胸上陣，性感艷壓全場，她表示低胸裙在活動前臨時準備，貼身剪裁剛好展示減肥成果。
「江門仔都欣賞我」
問子珊性感上陣是否想吸引內地富二代？她立刻否認，不過卻突然主動講到江湖人物上海仔郭永鴻，她說：「呢排啲新聞好愕然，報道寫上海仔話欣賞我，知道呢個新聞都上網搜尋佢，真係唔識佢，亦冇見過佢。」擺明劃清界線。問到若上海仔採取主動攻勢會否接受？子珊自爆說：「其實我鍾意鬼仔。」
與上海仔份屬好友的梅小惠有否為子珊作中間人，介紹雙方認識？子珊說：「我都唔係好識小惠，仲有人話江門仔等都欣賞我，總之多謝大家嘅讚賞。」
Lynn婚後靠老公
同場的熊黛林（Lynn）表示不會為愛郎郭富城買衫，因她忙到連自己買衫的時間都沒有。日前Lynn曾揚言城城相贈透視內衣，有否被男友詐型？她說：「其實都冇話買內衣，但又唔可以講大話，咁大個女冇理由冇收過。」不過Lynn拒絕透露是否由其他男性送贈。
是否與城城約法三章不談私事？Lynn只表示自己會盡量少講。提到Lynn經常返內地工作，城城可有提醒她小心？Lynn說：「我自己大個女，唔使人提醒。」此外，Lynn透露復活節會與家人到泰國旅行，但未有預城城份，問到是否城城請家人旅行？她說：「係自己請屋企人去，我個性獨立，唔需要靠男友，但會靠老公。」
採訪、攝影：曾小嘉