日本動畫《高達UC》本身食正老鬼最愛嘅宇宙世紀做賣點，由小說Hit返轉頭出動畫，最近仲踩入PS3出Game，任你揀依原著古仔打爆機，又或砌隊做反派，揸住紅魔鬼新安洲，跟幻之名機獨角獸高達嚟個大對決！
文：佐馬介
組隊開片唔孤獨
注目度不下於《高達00》的《高達UC》，至今仍在推出OVA動畫，最近殺入PS3出Game，玩法有別於平時較初心的高達遊戲，既講求速度感又有戰術，觀感和手感蠻像PS3的《ArmoredCore》。
故事以第一至三集OVA為內容骨幹，大賣高水平畫質及流暢機械人動態，而除了駕駛獨角獸高達的Banagher和薩比家公主Mineva外，於核心模式UnicornMode，玩家還可選用新自護殘黨面具男FullFrontal與Marida等反派角色，或地球聯邦軍來執行任務，即係忠奸兩邊都玩齊。
今次仲俾到人煥然一新感覺，因佢不單機體模組與多邊形質素佳，開戰時火光四起特效甚靚，似足睇動畫，埋身互砍時亦有大特寫鏡頭，更可借助巨大障礙物做屏障，避開敵方攻擊找機會還拖，唔再係一味齋射齋斬。
特裝送BD小說
作為專打高達迷市場而製作的遊戲，廠方當然顧及仲追緊動畫的忠實粉絲，所以特別版就包含大量精采收藏品，分別有首三章動畫精華剪輯、台前幕後專訪加去年音樂會的Blu-ray影碟，仲有福井睛敏的原創小說《戰後的戰爭》，Fans好難走得甩。
廠方收費也出神入化，預咗佢同《海賊王》、《星矢》咁，加錢先有齊機體，不過部份正機如新安洲試作機同積根等，已提供免費下載，首批更送埋百式加Z高達混合體DeltaGundam，算係幾有「良心」了！
《機動戰士高達UC》
機種：PS3
類型：射擊
人數：1人
售價：$300（普通版）
$450（特裝版）
查詢：i-Gamer（27253338）
