胡定欣和麥長青在無綫新劇《當旺爸爸》飾演兩公婆，首次跟麥包合作的定欣，在劇中是一名算到盡的家嫂，目的只為老公慳錢置業，心底是很愛錫家人，可惜跟老爺和兩個姑仔相處出問題，麥包這個老公要出手調解。
新劇做炮灰
已有家室的麥包自言很幸福，因得到外母的疼愛：「我外母係福建人，我唔慣佢哋嘅飲食習慣，但為咗我，外母學整廣東菜、蛋黃蝦，雖然唔好食，但我食得好甜、好開心，呢個係我幾生修來嘅福氣。」他認為夫妻間要有個約定，不能輕易說離婚：「每晚臨瞓前，我會錫老婆，如果嗌交都要錫，咁有幾嬲吖！」
另外，同劇的夏雨、馬浚偉和監製梅小青昨接受商台訪問，問到有否要求不要在復活節這炮灰期播出？即將轉投now的梅小青坦言曾爭取早些推出。問及會否覺得無綫人工低？夏雨說：「絕對係，作為新人，的士佬嘅錢賺得仲多。好多人返內地拍劇，幾多十萬一部，聽到我想搵窿捐。」
採訪、攝影：黃曉妍