黃凱芹喺今個星期六同日喺紅館舉行演唱會，噚日佢同嘉賓周慧敏喺九龍灣綵排練歌，開騷在即，但當黃凱芹坐喺度嘅時候，竟然見到佢有個肚腩凸咗出嚟，但係佢就堅持話自己已經減咗五磅。同場嘅周慧敏就keep得好好，點解唔問老友有乜心得？黃凱芹就話：「佢嘅方法唔啱我，佢只係食咖啡卷同飲檸檬茶，我真係接受唔到囉。」