關心妍、泳兒同劉浩龍等噚日出席港台活動，之前為個唱減肥嘅關心妍，瘦到上圍都縮水，佢話：「好多朋友都話我瘦咗，好多唔應該瘦嘅地方都冇晒肉，我都覺身材差咗，都應該做局部強化運動。」泳兒前日唔小心喺街仆親，搞到隻手瘀又腫。另外，謝安琪嘅經理人話，同環球唱片就合約問題磋商中，環球開出解約賠償金額，佢哋正打算還價。