情路崎嶇的楊思琦早前在微博宣佈誕下B女Krystal，不過她的去向依然成謎，昨日無綫製作資源部總監樂易玲出席影視展時，大爆思琦目前的境況。
餵人奶失眠
樂易玲否認思琦致電向她求救一事，她說：「佢冇求救，我哋只係商量工作，有時佢餵完人奶瞓唔着，都會打嚟傾偈，講BB嘅嘢梗係開心，但係講到處境有啲口震，佢都想返香港做嘢，我知佢負擔大，要獨力養BB，不過諗緊帶唔帶個女返嚟。」
至於會否幫助單親的思琦安排多些工作，樂易玲未有正面回答，只說：「佢係一個勇敢嘅女仔，值得人哋敬佩，我哋公司都有好多個單親家庭，最重要係供書教學。」她更指思琦最辛苦是生BB的時候，不過已經過去了。
採訪：楊潔雯
攝影：葉君海