應屆港姐季軍許亦妮前晚現身慈善活動，她透露母親在東莞慘遇扑頭黨洗劫，血流披面送入當地醫院就醫。許亦妮表示很擔心母親腦部會有瘀血，已安排她返港就醫。
賭王四姨太梁安琪、玩具大王蔡志明太太李惠莉和林忠豪等，前晚在灣仔君悅酒店出席保良局慈善活動，同場還有應屆港姐季軍許亦妮及國際中華小姐冠軍張曦雯等。
許亦妮透露現開始準備卸任港姐的工作，問到會否介紹身邊好友如唐貝詩姊妹參加港姐，她說：「都可以，我唔知，不過佢哋有自己考慮。」許亦妮又表示擔心，因為她的母親在東莞遇上扑頭黨，她說：「好驚啲扑頭黨，媽咪前日返東莞，坐的士返公司遇到扑頭黨，俾人搶咗手袋，同用鐵通扑穿頭，又冇途人幫手，佢血流披面返到公司，暈咗送咗入醫院。」
超盈學做生意
許亦妮透露父親已即時回內地了解事件，由於她有工作在身，故未能前往，她表示家人已安排母親回港就醫：「返落嚟好啲，香港醫療制度好啲，我都擔心媽咪會有瘀血。」
此外，玩具大王蔡志明太太透露女兒加怡年底嫁給男友Jeremy，記者問是否閃婚，蔡太笑言：「佢哋識咗好耐先拍拖，不過火花嘅嘢好難講，日子等男家揀。」
四姨太梁安琪就透露長女超盈忙於籌備法國甜品品牌的代理，她說：「可能一齊食蛋糕時講開，賭王鍾意食甜品，我就麻麻，我怕肥。」她表示若成功洽購代理，應該要八位數字投資，問到是否賭王送給超盈的禮物？梁安琪說：「絕對唔係送禮，不嬲老竇送嘢畀仔女好平常，我都贊成佢學嘢。」問到女兒有否生意頭腦，她笑言：「青出於藍都未定，個個都有生意頭腦，佢數口精，希望佢踏出第一步。」
採訪、攝影：梁錦雯
