【本報訊】變色感情誰人留得住？癡情女護士承認刑事恐嚇工程師前男友，裁判官同情她因感情問題困擾而失控犯案，遂輕判罰款5,000元了事，又奉勸她不要執着。惟她的前男友聲稱她認罪後仍繼續滋擾，不滿判刑過輕。他指摘舊愛謂：「根本呢個人就唔應該存在響呢個世界，佢都控制唔到自己！」
記者：楊家樂、陸羽平
事主劉達偉（30歲）在舊愛判刑前接受訪問，講出兩人糾纏不清的關係。他形容葉麗娟令人恐懼的程度，比日本大地震和海嘯更甚。他自言曾因承受不了，去年311大地震翌日要避走日本。「我連輻射都唔驚，我淨係驚葉麗娟！」但家人隨後屢遭滋擾，甚至被淋紅油，結果他被迫回港處理。劉揚言：「我好想佢坐監，咁佢就會冇咗份工，冇錢再搞我。」昨日他得知葉僅被判罰款，說：「算便宜咗佢，希望佢真係後悔。」又指判監或有反效果，認為葉「可能會報復」。
估計不甘獻貞操卻分手
對於葉死纏爛打，劉堅稱「到今時今日，我都唔知我錯咗啲乜」，估計是葉不甘將處子之身交給他，卻分手收場，故誓要與他復合。劉母幫腔說，現今男歡女愛很平常，葉不應太執着貞操。劉承認自己花心，但強調沒有對不起葉，「同佢真係唔夾，任何嘢總有開始，總有結束，但係佢唔肯放手，生人霸死地，揸住個爛攤子」。劉自稱不時有女性對他有興趣，但自傳媒廣泛報道事件後，已沒再拍拖。
對於有錄音顯示劉曾於入稟後要求葉認罪，揚言成功取得禁制令便會和她結婚，又承諾一年內不認識其他女孩，劉強調只是緩兵之計。劉又說：「如果佢唔搞咁多嘢，可能我哋已經結咗婚。」
至於葉曾入稟小額錢債審裁署，向劉追討數千元欠債，劉則謂：「佢主動過錢畀我，我都冇辦法㗎。」又指葉「做好多嘢想我冇工做，冇晒錢，同番佢一齊，佢就可以養我」。
任職公立醫院護士的34歲被告葉麗娟，早前承認去年曾兩度恐嚇任職工程師的前男友劉達偉。辯方大律師陳思聖昨求情指，被告工作勤奮負責，但思想單純怯懦，只因與前男友的感情問題，而變得不理智及情緒化，衝動下犯案，現已後悔。
醫生斷定被告沒有精神問題，但因長期感情受困擾導致抑鬱，造成人格障礙，影響反應及判斷力，容易失控。她現時正接受治療及服藥，亦已與前男友斷絕往來，相信不會再犯。
裁判官阮偉明判刑時表示，鑑於被告受到極大困擾才犯案，情況特殊，故酌情輕判。裁判官又寄語被告，面對感情問題要尋求專家協助：「感情係雙方面嘅，唔可以勉強，希望你可以諗通，唔好再咁執着。」一直啜泣的被告葉麗娟，聞言後失控痛哭。
案件編號：KTCC6570/11
