看過《桃姐》除了想知更多有關桃姐的事，最想知是小貓卡卡的下落。Roger透露桃姐在舊居養過兩隻貓，並說：「卡卡家係陳太個女養緊，陳太即係桃姐個老友，戲中由元秋演陳太，不過後來cut咗。」卡卡是美孚一位街坊送給桃姐的貓咪，在李家住了七、八年，至桃姐入老人院才由陳太照顧。而戲中由秦沛飾演、經常問桃姐借錢嫖妓的堅叔，現在情況又如何呢？Roger說2009年再返老人院時，很多院友都轉了院或離世，故已不知道堅叔下落。
鼓勵老人院院友
桃姐在李家工作60年從未放過假，身份就如李家其中一位成員，她對李家亦很忠心，Roger說：「有人試過挖角，係個住半山嘅外國人，出嘅人工仲多過我哋，但桃姐冇諗過走，事後仲同我哋講有人想撬佢。」
最後Roger認為《桃姐》所帶來的注意力是桃姐應得的，反而給他帶來的注意力似太易得來，他說：「桃姐最後三年都幾痛苦，我冇諗過佢嘅一生會俾人關注，家因為呢套戲令好多人認識佢，我好開心，希望透露呢個故事鼓勵住喺老人院嘅人。反而我好踏實，呢啲注意力我唔應該得到，半年後大家未必記得我，我樂意做普通人。」一個普通人，將一個普通媽姐的故事變得精采！Roger下周會推出一本《桃姐與我》，書中詳細記載了他與桃姐的情誼，這書亦是他對桃姐離世的心理治療。