好戲之人相遇，除了是緣份，也是觀眾的福份，同是影帝級人馬的任達華和張家輝就在電影《大追捕》結片緣，兩雄相遇分別扮兵賊，壁壘分明，演警察的華仔向嫌疑殺人犯張家輝進行徹底追捕。
追捕危險人物
一個追，一個逃，華仔為演好警察跟賊人鬥智，他直言鑽研劇本之餘，同時又狂咪狗書，看似大纜扯唔埋，華仔即解畫：「睇養狗書可以幫助主人同狗溝通，我睇呢啲書了解到狗，佢點樣去猜估主人嘅心態。」原來華仔把角色化身尋找獵物的獵犬，他續說：「我就係用呢個層次去觀察一個危險人物嘅異常反應，我要咬住佢唔放，適當時間就攻擊對手。」
對付獵犬，張家輝這個嫌疑犯當然盡量要做到不留痕迹，他說：「我個角色係有復仇大計，同時都好希望去查出真相。」張家輝的角色是個啞巴，全片只靠眼神沒一句對白，對他的演技是挑戰，他說：「好彩導演拍咗好多場口交代咗劇情，旁支人物又會幫手，咁我演起上嚟會容易啲。」