近排被阿仙奴踢落預組備組嘅南韓前鋒朴主永（圖），原本要今年或下年返南韓服兵役，但南韓軍方部門日前就話，因為呢位前國家隊隊長喺摩納哥有居留權，所以批准佢延遲多十年先服役，但到時佢都成36歲，唔知啲體能頂唔頂得住？另外，聽聞安德列治想簽佢，雖則比甲嘅水準遠低於英超，但佢去到唔使齋坐，未嘗唔係好事。