球員交易期限已完，魔術中鋒懷特侯活最後決定留隊，大大聲話自己夠忠誠，令到兩年前背棄騎士轉投熱火嘅勒邦占士（圖）又被擺上枱，占士喺噚日對76人賽前回應話：「大家都將唔同情況嚟搵我做比較，我當時同騎士嘅合約已經結束，有權選擇加盟任何球隊。侯活決定留低，佢開心就好。」隊友獲迪都喺Twitter話冇你咁好氣：「唔理發生咩事，總之全部都話係占士嘅錯。」