諸葛紫岐（Marie）的婚宴舉行在即，她昨日與老公、Neway二少薛嘉麟外出血拼，買了不少補品，當中還包括去濕茶。Marie自爆平日會燉湯給老公補身，看來二人為造人大計積極努力。
諸葛紫岐和Neway二少薛嘉麟後日便擺喜酒，二人近日忙於作最後準備，一對新人昨日拍拖由九肚山愛巢離家外出購物，原來他們到附近海味店狂掃補品，Marie打算用靚湯和住家菜箍實老公。
入廚天份高
昨日下午約2時，淡妝的Marie和老公薛嘉麟拍拖外出，薛嘉麟做柴可夫駕駛金色Audi座駕，他們先到附近的商場閒逛，首站到百佳，看了一會卻沒收穫，其後再到海味店，選購了大批補品回家。薛嘉麟負責埋單，還做觀音兵幫手拿東西，最後兩人十指緊扣折返停車場，薛嘉麟貼心為老婆開車門，讓她小心上車，他放好東西到車尾箱才開車回家。
Marie的廚藝非常了得，最愛為老公入廚，薛嘉麟大讚老婆的手藝了得，他說：「佢煮嘢食好有天份，佢冇特定菜式，好有創意，次次煮唔同菜色畀我試，我都好有口福。」被老公讚入得廚房，出得廳堂，Marie昨日在電話中說：「我就算煮得唔好食，老公都會返嚟食，外面食飯太唔健康又多味精。」
去濕茶慰眾
新婚燕爾，問Marie可有狂燉靚湯讓老公補充精力造人？Marie說：「唔使，呢啲嘢自然啲好，唔使心急。」她有見天氣開始潮濕，昨日特別買了去濕茶的材料，煲給親友飲用。
採訪、攝影：楊浩賢、羅德光、比華利