對於市民搶購走失警報器防拐子佬，資深私家偵探張大偉認為警報器經常誤鳴，效果成疑，「個小朋友走遠幾步就響一響，成日都係咁就變成『狼來了』，好快就會嫌煩而唔用」。但現時正值傳聞高峯期，使用警報器也是不錯的選擇。
他強調最重要仍是家長要保持警覺，尤其注意6至7歲小童接近自己年幼子女：「以往經驗話畀我聽，一般拐子佬有細路做同黨，如果發現自己個小朋友得3、4歲，但有個大佢幾年、明顯玩唔埋嘅細路同佢玩，就要加倍注意。」
他透露處理拐帶案件時會出動定位追蹤器，將由電話改裝的定位器放在小童身上，便可追蹤其位置，但市面同類產品動輒過萬元，非人人可負擔。至於拐帶傳聞，他認為有一定可信性：「好多人唔信內地人會拐帶香港細路返上去，我反而認為因為香港小朋友4歲前已注射大部份疫苗，抵抗力比內地兒童更勝一籌，所以會吸引班拐子佬。」
《蘋果》記者