政府去年就立法禁止纏擾行為發表諮詢文件，首個舉出的實例，正正是葉麗娟用毒招向劉達偉箍煲一事。不過，劉向記者聲言，就算纏擾罪立法，也未能幫到他，「呢條葉麗娟咁醒目，佢有好多方法纏擾你」。
劉說，07年與葉拍拖，但不久便發現她問題多多，「識咗我之後，佢同所有朋友絕晒交，成日淨係同我一齊」。相戀僅三個月，劉決定斬纜分手，但葉堅拒，更找私家偵探查出他所有出入境紀錄，又兩度買樓搬入他居住的同一幢居屋，「可能佢覺得自己冇條件，所以死纏我」。
劉聲言即使去年8月入稟申請禁制令後，葉仍然以電話滋擾，直至12月，她因被刑事起訴才一度暫停。但葉上月認罪後，滋擾再現，有人以變聲器扮作老人及嬰孩等角色致電其公司達300多次，曾暗示其家人「可能俾人餵食屎」。
但他認為，即使成功申請禁制令，葉也會繼續滋擾他。他說：「佢真係癲㗎嘛！除非我死咗，我一家死咗啦！」
《蘋果》記者