任達華夠型，張家輝夠cool，兩位影帝挑戰過不同類型的角色，但演得最貼心自然，必定是卸妝回家做老公和老竇。華仔和家輝近日合作電影《大追捕》，二人戲中正邪對立，演技過招，鏡頭前爆火花，鏡頭後交流湊女經，原來兩位影帝都不太想女兒看自己的作品，因他們覺得當中的暴力鏡頭可能會影響小朋友，看來兩位小公主要待成長後才有機會與父親分享拍戲點滴。 撰文：比華利
現正上映
任達華和張家輝兩位影帝主演的《大追捕》前日開畫，票房有1,054,875萬，成為當日票房冠軍。身在馬來西亞拍戲的家輝很興奮，一早醒來就吃了個開心全餐獎勵自己，還說：「當日拍戲時要地獄式減肥，家算係少少回報。」家輝續說：「要感謝Deanie姐（葉德嫻）同華哥（劉德華）嘅《桃姐》打頭陣，吸引觀眾再入場捧港片，令我哋順利接力，希望下個好消息係叫我返香港慶功。」
囡囡日後相約結交
《大追捕》票房理想，任達華與家輝當然功不可沒，其實他們成功背後都有賢妻為他們照顧好家庭，琦琦及關詠荷分別為夫婿生下寶貝女。兩位慈父拍《大追捕》時，在鏡頭前演技過招，鏡頭後則交流湊女經。華仔跟家輝惺惺相借，二人的女兒又年齡相若，不排除日後相約見面交朋友，延續兩位影帝爸爸的非常友情。
即將57歲的型爸爸華仔，一直視現已7歲的囡囡任晴佳（Ella）如小女友般愛錫，他跟愛妻琦琦分工合作，對囡囡有求必應，但絕不嬌縱，華仔堅持有時要變身嚴父：「遇到有嘢唔啱，我會同佢講道理，家嘅小朋友唔可以用舊一套管教。」
家輝女兒錫晒媽咪
華仔相信身教重於言教，所以平日必做女兒好榜樣，Ella跟爸爸相處時間不多，慶幸現在科技發達，父女可隔空視像對話，拉近距離。華仔最享受為Ella講故事：「每次出完埠返到屋企，我點忙點攰都必定同Ella講故事，我喺屋企嘅話，每朝一定同佢食早餐，聽吓佢講返學嘅事。」
相對44歲的cool爸爸家輝，其實他的一套湊女經跟華仔大同小異，家輝一有空便做妻女的柴可夫管接管送，以爭取時間享受家庭樂。家輝和6歲囡囡張童（Brittany）關係融洽，但偏偏家輝陪囡囡的時間不及老婆關詠荷多，所以每次問Brittany最錫爸爸還是媽媽，她都童言無忌直選媽咪，令家輝大呷乾醋說：「我當囡囡係最好朋友，但佢首選媽咪，我心酸㗎，但都習慣咗。」家輝明白老婆自女兒出世後便親力親為照顧，從不假手於人，Brittany理所當然最錫媽咪，他事後補充說：「呢啲真係冇得計較。」
華仔和家輝因為工作關係，鏡頭前經常要挑戰跟自己真我個性截然不同的角色，有時甚至要扮演一些危險人物，生人勿近。
只准睇《歲月神偷》
華仔在電影《天水圍的夜與霧》中演的李森，戲中無業的他跟年輕內地妻子靠綜緩過日子，因精神壓力爆煲導致滅門慘劇，角色嚇人，華仔表示：「我好少畀囡囡睇我演嘅戲，太多殺人放火場面，太過暴力對佢哋會有壞影響。過往咁多部，我畀佢睇過唯一一部就係《歲月神偷》。」當然，華仔在《歲月神偷》中的慈父角色，可算跟現實生活最貼近，加上這部電影為他圓夢開齋成為第29屆香港電影金像獎影帝，囡囡Ella欣賞該片，正好分享父親的殊榮。
從影以來，家輝大部份角色都是大反派，就算扮演警察都少不免有血淋淋的打鬥場面，兒童不宜，他說：「囡囡都好少捧我場。」家輝嚴禁囡囡Brittany入場支持，絕對情有可原，始終小朋友在這個成長的純真階段，並不適合觀看此類過於暴力的電影。
故事大綱：釋囚密謀報復
《大追捕》是一部動作懸疑片，顧名思義是兵捉賊的故事，劇情講張家輝年輕時犯案，姦殺了一名少女，罪成入獄，刑期屆滿出獄，他心有不甘，同時遇上貌似當年死者的美少女JaniceMan（文詠珊），刺激了張家輝的報復心態，他不由自主地跟蹤文詠珊及其家人。
與此同時，文詠珊的指揮家父親卻離奇被發現遭燒死，張家輝被警方指是案件頭號嫌疑犯，警方將他起底後發覺他於20年前曾犯案被判入獄，當接手該案的任達華追查下，卻發現當中不少疑點是張家輝刻意營造出來誤導警方。
