喺世冠盃斷腳嘅西班牙前鋒韋拿(右),原本以為要提早收「咧」,今季都幫唔到巴塞比賽,不過佢康復得比預期快,日前着晒巴塞波衫返魯營影全家福時,表現得鬼打咁精神,睇嚟趕得切喺季尾之前復出。話晒佢係西甲嘅頂級射手,如果能落番場比賽,對巴塞同埋要喺今夏打歐國盃決賽周嘅西班牙國家隊嚟講,絕對係好消息。