卓韻芝今晚起一連三晚喺會展開棟篤笑騷，佢分別邀請咗何韻詩、黃德斌同杜汶澤做嘉賓。阿芝為咗個騷又健身減肥，又啪蛋補充營養，連日更要瘋狂綵排，佢前日喺微博上載咗手指受傷嘅相，仲話：「小小工業意外，排練時被micstand夾到……但一定會繼續努力！」阿芝右手食指雖被夾至紅腫，但依然綵排得好投入，務求今晚開騷盡善盡美。