外號上海仔的郭永鴻日前被爆曾與特首候選人梁振英的梁營中人在流浮山有飯局，根據資料顯示，上海仔早年曾入股娛樂公司JoyStarArtisteManagementLimited，有指當年唐寧、賈曉晨（JJ）和陳山聰等是旗下藝人。上海仔與不少圈中人稔熟，金牌經理人黃柏高（Paco）前年曾出席上海仔母親喪禮，黎小田早於02年曾與上海仔合資搞酒吧PianoClub。
已為人母的唐寧昨透過經理人阿Mon回應：「當年唐寧係跟住我入咗JoyStar，公司仲有陳山聰，唐寧喺公司春茗有同郭生食過飯。」對於上海仔近日捲入黑金事件，唐寧覺得舊老闆為人如何？阿Mon說：「唐寧唔回應啦。」
Paco：係好好朋友
Paco昨日在電話中說：「同上海仔係好好朋友，以前佢搞娛樂公司時認識，佢非常好人，好樂意幫人，報道出咗街後，打過一次電話畀佢，佢話家紅過我。」會不會邀請上海仔客串拍戲？Paco大笑說：「點請得起呀，咪講笑喇。」黎小田表示曾與上海仔開酒吧，對方後期退股，但並非不歡而散，他昨日說：「我冇見佢好耐，佢咪係一個大哥囉，對佢為人我nocomment。」
採訪：葉雪