如果有人問Audi車系中邊款最平易近人，我二話不說會揀A4，唔係因為佢性情唔夠兇猛，而係外形始終較為討我歡心，加埋Audi最強嘅旅行車元素，無論你認定佢係家庭車定行政人員座駕，一樣切合身份。雖然A4今次只係轉款，車廠依然安排喺葡萄牙試車，車廠係咪特別偏心，大家心中有數啦！
記者、攝影：肖文
輕鬆擺放三個行李箱
踏足毗鄰大西洋的歐洲城市葡萄牙里斯本，市內充斥葡式氣氛，不過今次主打並非城市味，到達機場後，即時見到車廠停泊在停車場的一系列A4陣。雖然已事先查閱試車陣的型號，不過意外地，車廠安排的型號大部分均屬於代理引入香港機會極低的allroad及棍波版。不過心中已在盤算，既然今次試車活動橫跨兩天，時間充裕，有時間大可試試不同版本，既然如此當然第一時間搶奪自己一向心儀嘅3公升Avantquattro版。這版本正好取代過往3.2公升版本，雖然引擎細了，不過馬力反而提高至272匹，又是歸功引擎調校下的結果。試車未開始，由輕鬆擺放三個行李箱一刻，令我對旅行車又再度加分。離開機場，一行近20部A4即時趕到40公里路程的海邊城市，作為歐洲最西面城市，鄰近大西洋，海浪絕非等閒，未知係咪呢個原因，定係車廠刻意安排，大賣其澎湃性能。
新面貌更具時代感
車廠今次重點大玩變臉把戲，車型只較上一代輕微增加，原因不外為咗改變前後緩撞桿稍為縮短及增長。不過亦非沒有驚喜，頭冚經過全新設計，而頭燈亦換上新面貌，除了轉用LED燈組，亦加入設計稍為誇張的燈眉，加上可轉動不同角度的白光頭燈，視覺上更加具時代感。至於內櫳保留Audi式的豪華味外，MMI系統為了與新一代家族成員更統一，位置亦要搬家了。屏幕保留在中控台位置，不過主要圓形按鍵則由中控台移至波棍台下方，距離與波棍距離更接近，比起過往，操控性絕對係方便咗唔少。至於這款3公升、7速Stronic波箱的旅行車版，試車過程中亦沒有令人失望，與過往A4一樣，都係一款極之親民的車款。何解？事關要適應的東西實在太少，基本上踏上車廂按動引擎，已經令人融入其中，絕對唔會令人有難於操控的感覺。如果真的要批評，較強烈感覺只是quattro反應實在太強，在扭彎時，反有點被佢帶住行的感覺，安全性雖高不過就是少了點似甩非甩的樂趣。
耗油比上代低18%
明知代理唔入手波版，不過我最後亦揀咗換上經過改良的1.8公升引擎房車版及allroad玩吓，兩者都係用咗6速手波，反應凌厲敏銳。雖然1.8版無四驅系統，但山路表現亦十分穩定，在加入可變氣門揚程及電控廢氣循環系統下，馬力有成170匹，廠方指每百公里耗油量僅5.8公升，比上代慳約18%，難怪得到環保私家車稅務寬減，代理自然起勢力谷。本周末將舉行全新A4及A5優先試車日，大家可搶先感受這部新A4的魅力。
優先試車日
日期：3月17-18日
時間：上午九時至下午六時
地點：港島高爾夫球會（將軍澳至善街３號）
預約電話︰23979255
A41.8TFSImultitronic
引擎：1,798cc直四TFSI
馬力：170hp/3,800-6,200rpm
扭力：320Nm/1,400-3,700rpm
傳動：8速multitronic自動波
售價：$375,800（已扣減環保稅）
查詢：25281862（合迪汽車）
