我是急於上車的80後，老婆逼我買樓，逼到我覺得好似長期被支槍指住個頭。
最近睇到一本所謂年輕人雜誌樓盤版報道，將軍澳中心月租9500元，心想不如同老婆講先租後買，對白都度好：「鄭汝樺講置安心，都強調先租後買啦（雖然意義大相逕庭）！」文章寫到好似好筍：只要撻朵話係該雜誌讀者，原價10800元的租金，即可超筍價9500元承租。咦？撻朵租樓有得平？無點深究，因為最吸引我的是代理這一句：「同區有大量約百幾個嘅200萬上車盤揀」，尤如老友明仔守齋多年，忽然看到貴報惹火樓模，蠢蠢欲動要去破戒。
我即刻打電話畀代理：「我睇XX話將軍澳有大量200萬上車盤喎，係咪真㗎？」代理答：「有，但好少，而且是區內白表居屋……」代理隨即打蛇隨棍上：「其實家區內有好多未到300萬嘅盤，都是290幾……」「吓！我搵200萬上車盤喎，大佬，200萬同299萬相差好很遠喎。乜咁樣呃人打來㗎。」嬲嬲哋收佢線。我知道代理行業競爭激烈，搵食艱難，但你唔好把我啲希望帶到上IFC咁高，然後丟落來吖，我已經夠慘了。
讀者 老虎乸下
本欄園地公開，歡迎各界來信，以450字為限，請電郵至mailto:[email protected]，註明《家》樓民講場，請留聯絡電話。編輯保留文章的刪減權