腹大便便嘅楊千嬅噚日接受商台電話訪問，大講近日嘅安胎生活，由於無所事事，所以成日狂整蘋果批消磨時間之外，仲追睇無綫劇《OnCall36小時》，千嬅話：「因為自己做過護士，所以好有共鳴，之前馬國明細佬死嗰集自己都睇到喊，丁生見我咁都呆晒。」千嬅仲話大肚之後重咗20磅，因為擔心有糖尿，所以好小心控制飲食。