由甄子丹監製的電影《特殊身份》是非不斷，趙文卓被指罷演捲入糾紛，日前他受訪解釋事件：「真正耍大牌的不是我，是甄子丹。因為可以跟甄子丹在戲中對打，我特別興奮。也正是這一點才答應演出，並將這場戲寫到合約內，如果要修改劇本，必須經我同意。」
經調停無結果
但到了拍攝，趙文卓發現收到的劇本不單內容被修改，他由主角變成配角，連與子丹的對打戲都被取消。之後他請劇組幫忙發聲明澄清他罷拍的傳聞，但翌日卻收到通知因子丹不同意而未發聲明，後來更被劇組解除合約。
甄子丹的發言人張小姐昨日接受電話訪問時表示：「唔係事實嘅講法，子丹冇必要回應，子丹好欣賞趙文卓，外型好、身手好，兩人又未合作過，當初係子丹極力推薦趙文卓演出，後嚟知道佢唔接通告，子丹仲主動搵趙文卓，同埋佢嘅經理人調停，希望平息事件，不過，趙文卓依然故我，劇組喺無可奈何下，至講出趙文卓每晚住宿開支已經要五萬人民幣，一間主席套房每晚要四萬幾人民幣，另外仲有三間房，劇組根本冇可能負擔，子丹見搞成咁，都覺得好無奈，好可惜。」
採訪：林妃