巴西奧運隊教練文尼施斯日前公佈咗今夏倫敦奧運男足嘅初選名單，總共成有52人，卡卡同埋羅賓奴都榜上無名，不過回流咗返巴西搵食嘅「細哨」朗拿甸奴（圖），以及車路士中堅大衛雷斯同埋巴塞右閘丹尼爾都有入圍；加埋尼馬、柏圖、拉菲爾達施華同埋辛度雲尼亞里等年輕球員，個陣真係勁到冇朋友。睇嚟今夏倫奧，淨係睇隊巴西都夠。