減肥就好似係香港女仔的終身事業！十個女仔九個減，所以有報道指出香港女仔體重越來越輕，但係越瘦唔代表越靚，香港大學名譽臨床教授龔慧慈醫生話，減肥隨時會導致骨質疏鬆及骨折，而且問題可能無彎轉！
記者：陳家蕊
攝影：楊錦文、劉永發
Model:Kiko&Zoe@PureModels
鳴謝：麥堅時綜合治療及復康中心（21808775）、龔慧慈醫生醫務所（25253331）
骨質無TakeTwo
更年期女性，一向係骨質疏鬆高危族！因為更年期過後，女性荷爾蒙會下降，而它本身有幫助吸收營養和製造新骨的功能；但最近有新聞指一名十九歲少女，在家中「跣腳」一跌即斷骨，送院檢查後被發現有骨質疏鬆，原來少女只得八十磅，體重過輕！所以骨質疏鬆有年輕化趨勢！
龔慧慈醫生表示：「偏瘦女性的骨質密度就比普通人低，而女性於青春期就是骨骼和荷爾蒙生長的高峯期，每日應該攝取至少1,200毫克的鈣質，但若果女性於這段期間減肥，以致營養不足，荷爾蒙分泌少，攝取不足夠的鈣質，骨質密度自然不足！」唔好以為之後食番多啲高鈣食物，就補番條數！事實上，三十歲過後，骨骼發展完成，骨質密度點都補唔番！打後我們可以做的只有盡量補充骨骼營養，以免骨質快速流失！
芝士蛋糕可補骨
各位愛靚、要瘦的少女，想食少啲之餘，又唔想有骨質疏鬆，咁就可重點食一啲高鈣食物。註冊營養師尹耀林：「飲奶當然係吸收鈣質最好方法，但現在好多人都對奶敏感，唔想飲奶，其實可以食雪糕、芝士蛋糕等，因為這些奶製品沒有使人過敏的乳糖。」甜品原來都高鈣，女仔可以多一個理由放肆啦！
補鈣三大謬誤
對於補鈣的方法，好多人都好似有自己一套睇法！註冊營養師尹耀林，以多年工作經驗總結咗香港人最常見的三大補鈣謬誤，大家不妨睇吓有無份？
謬誤一：食肉勁補鈣
好多人以為食多啲肉類，內含豐富蛋白質，就可以補鈣！實際食大量肉類會令血液酸性增高，骨質流失機會亦增。
建議：每天進食四至六両肉已足夠。
謬誤二：骨湯以形補形
中國人愛以形補形，老人家可能成日煲豬骨湯俾你補骨，實際上，鈣質唔溶於水，骨湯只含極少鈣質。
建議：煲骨湯時加入少許檸檬汁，有助鈣質溶於水，但始終只有少量鈣質。
謬誤三：豆漿代牛奶
好多人對奶敏感會用豆漿取代，實際上豆漿製作過程被水稀釋，一杯豆漿只有10-20毫克鈣。
建議：一杯奶有300毫克鈣，比豆漿多十多倍，大家識飲啦！
每日三分鐘 瘦身健骨操
如果想骨質健康同瘦身並存，做運動始終好重要，例如體操、太極、慢跑等，都是適當的負重運動，如能持之以恆，每天做30至45分鐘，可預防骨質疏鬆。
都知要大家每日跑步好難㗎嘞！所以特別請教了註冊物理治療師周厚德，教大家可以在家中輕鬆做到的瘦身健骨操，每日大概做三分鐘就得。
健手部骨骼兩式
橡筋健腳操
