本周網上熱點，拐子佬爬了上海仔頭。查找上海仔的秘聞，是傳媒職責，揪出拐子佬真面目，不能靠夢熊大師老點，一定要先下手為強，眼明手快，拍下拐子佬廬山真貌，有憑有據，就算是口才叻過梁營闖將，一樣唔可以拐拗番直。
上海仔出沒的地區，傳媒起底說是元朗一帶。孩子念九龍塘名校的中產家長，點會帶金叵羅去元朗，除非貴族學府哈羅開放日，從西半山遠道而來屯門的富貴家長，興之所至，光顧元朗那家一夜爆紅的餐館，發覺曾經惹起那麼多政治聯想的圓桌，街坊到不得了。但是，萬一狼先生迎流（選）而上終於勝選，這家聽說發生過「政治謀殺」的酒家，不得了，迫爆「梁粉」。餐廳由桃園易名振園，那個偏廳識趣迅速摘下東翁名號，冠名「狼營」。狼，由山頂紅到元朗，九龍塘，算什麼？喔不，別忘記吊臂車空降的九龍塘約道，拐子佬在這一區落手，擺到明是要向豬先生示警。上海仔唔方便跨區蒲頭，由另一坐館，同門師兄（從仔升呢到佬）拐子佬踩線，哎呀，這一回，不是你吃飯我付鈔唔知邊鬼個派咭片咁簡單。記者若果問狼，識唔識拐子佬？標準答案係：我對乜佬冇興趣，亦唔驚大粒佬走佬，咪再虛耗我的寶貴時間！