陳法蓉、陳煒、新人吳千語和羅霖等昨日在灣仔出席設計師何國鉦時裝騷，眾女星谷胸上陣，低V的陳煒谷到露胸墊，一向穩陣的羅霖穿高衩裙也不慎走光露底。羅慧娟之前努力抗胰臟癌，早前跟老公恩愛逛商場，陳法蓉表示經常有與羅慧娟兩公婆見面，她說：「佢同佢老公好sweet，佢老公好好，成日帶埋我出去，我咪做電燈膽囉。」
問到娟妹健康狀況？陳法蓉說：「我從來冇話佢病，你哋自己問佢，大家祝福佢日日開心，開心健康就OK，唔好亂估。」至於行騷的陳嘉桓，被問到有指馬德鐘和孫耀威疑在內地擒女，曾遭馬德鐘抽水的她一聽即說：「吓，冇留意喎，冇睇呢啲嘢。」問到馬德鐘又涉飛擒大咬，陳嘉桓即說：「唔評論，發生喺我身上嘅事都過咗，唔多講喇，唔再諗番。」
採訪：林嘉慈 攝影：陳志嵐