許鞍華執導嘅《桃姐》截至前日，上映五日票房累積已經有1,081萬，前日單日仲維持有140萬，成績實在驕人，可以話對港產片打咗支強心針，《桃姐》同《春嬌與志明》都係合拍戲，但係兩部戲都冇遷就內地市場，拍咗高水準出嚟。希望香港電影人好好反思，就算係合拍片，都唔好一味喺題材上就晒內地市場，搞到三不像，結果兩邊都唔討好。