【本報訊】一名持刀賊人疑搶劫前未有踩線，昨日凌晨潛入尖沙嘴一間髮型屋後，才發現店內有多名職員。賊人見已經「洗濕個頭」亮刀聲稱打劫，職員淡然回應︰「啲嘢都執好晒，髮型屋冇嘢好劫喎。」賊人無奈空手而逃。
職員：冇嘢好劫喎
事發尖沙嘴金巴利道16至20號香檳大廈地庫一間髮型屋。昨日凌晨零時許，店舖已經暫停營業，門口捲閘半關。一名年近50歲、戴啡色鴨嘴帽、攜帶啡色袋賊人，趁街道途人冷清，蹲身潛入店內預備打劫。但賊人犯案前懷疑未有「做功課」，落樓梯進入舖面時才發現店內仍有數名職員打點，大嚇一驚。
雙方一度面面相覷不懂反應。賊人見騎虎難下，惟有硬着頭皮掏出近呎長利刀揮舞喝叫打劫。職員人多勢眾不為所動，淡然說︰「收咗工，啲嘢執好晒，髮型屋冇嘢好劫喎。」笨賊見狀不敢逗留，慌忙沿樓梯衝出街外逃去，群警聞報到場搜捕無果。