十個小朋友，九個有食飯問題，不是食得慢，就是樣樣都話唔like唔想食。唯獨是麪包，又真係大部份細路都搶住食。除一直人氣高企的日本麪包，最近台式都熱，造型百變外，最重要是走健康路線，不怕有害添加劑。
記者：林佩婷
攝影：蔡家輝
Model:Amber、Leventa、Eleanor
Ansley 1歲3個月
爸爸成日要我陪佢玩，好彩我精力充沛，玩成日都得，佢開心我就開心。
曲奇做五官
整麪包，十居其九都會認為日本麪粉最頂級，其一至二級數的麪粉，蛋白質含量達10-15%，顏色不夠潔白全因絕無漂白添加！Maia'sBoxBakery就是百分百選用日本麪粉的麪包店，其麪包還堅持只用加上澳洲有機低脂奶、阿根廷無鹽牛油等，經過長時間發酵做成，口感鬆軟。店內八十多款麪包，最受小朋友歡迎當然是卡通包，俏皮狗狗造型，加上曲奇做的五官或裝飾，咬入口有滑溜的吉士餡。至於忠直的牛牛和Q版的烏龜，配上香甜日本紅豆粒和豆茸，可愛到不捨得吃。除了動物，滿瀉牛奶香的樹頭奶包，利用法包多氣孔來索更多牛奶再焗，遠看就似一個小木頭，吃下奶汁四溢，勁香濃。至於黑麻麻的台灣神木，利用咖啡味朱古力、無糖可可粉和牛油做出樹木紋理，遠看就好像一舊燒焦了的炭，樣子也夠搞笑。
養生健康餡
台式麪包店上野酵素麪包生活館就以酵素作健康路線。嚴師傅將可分解澱粉質及其他有害物質的酵素放在麪包內。「這種酵素是用植物提煉，我將之和韓國麪粉、本地鮮奶和無鹽牛油等做麪糰，然後以3-4℃作十二小時的低溫發酵，令麪包口感更綿密。」除了加入健康酵素，在餡料上亦有花心思，選用不同類的堅果做食材。如養生歐克，就有胚芽、葵花子、夏威夷果仁、杞子和黑芝麻做餡，更用上粟米代替牛油，更加健康。又如北歐核果用上合桃等堅果和提子乾，再加蜜糖煉製，配上全麥無糖無油麪包，也吃出淡淡甜味。
香口丹麥酥
丹麥酥可算是西式麪包的佼佼者，其牛油香和脆身口感，絕對是其他麪包所無法媲美的。PantryBread&Pastries黎師傅就指丹麥酥着重牛油香，利用摺叠層數做出鬆化口感，如牛角酥就是其中一款，此外，黎師傅還加入不少餡料，如香口的杏仁牛角酥，又或有果香的蘋果酥或車厘子口味，更製成迷你品種，讓小朋友吃得盡興而不論盡。
可口鹹甜餡
小朋友好麻煩，一味講健康可能會適得其反，要令他們愛上麪包滋味，得靠餡料的配合。鹹吃方麪，最普通莫如腸仔包最受歡迎，但若將法蘭克福腸包在加入了香草和芝士的交叉麪糰內，就更惹味。又或看似平平無奇的方包內，夾上芝士火腿，即時令方包升呢。甜吃方面，方包也可加入紅豆綠茶餡，顏色夠搶又夠creamy，至於半溶的軟心朱古力包，利用朱古力和吉士造成朱古力醬，更令小朋友食到停唔到口。
a.Maia'sBoxBakery（27689686）
旺角勝利道8號地舖
b.上野酵素麪包生活館（23811878）
太子彌敦道785A號地下B舖
c.PantryBread&Pastries（25773898）
銅鑼灣百德新街50-56號唐寧大廈地下D舖
麪包easy做
愛健康的家長，與其擔心麪包內有各種不知名添加劑，不如自己買麪包機動手做。香港麪包機品牌選擇不多，搵勻全港，大牌子幾乎只有Kenwood和象印。象印的麪包機已進化至第六代，這款家庭麪包機只有一磅份量，正常製作時間約三小時四十分鐘，當中會發酵三次，可作十三小時預設烤時間，最大優點就是輕巧又夠靜，即使對麪包製作毫無認識的主婦，只要跟着中文食譜書，基本上都沒有問題。焗出來的麪包經試吃後口感很鬆軟而濕度高，感覺猶如蛋糕質感。
生活館（25060001）
至於Kenwood最新型號BM366，體積較大，有十一種預設程式和十五小時的延長時間掣，新置熱風設計以幫助烘烤。最大好處在於可選擇500g、750g和1kg的麪包容量，正常程序同樣在三小時三十分鐘左右，焗出來的麪包，外皮非常脆身，很有歐陸式麪包的口感，用來配不同餡料就更好吃。
Sogo（28338338）
