世界妹李思蓓喺舊年九月俾人影到同李思捷去咗夜店密會，但聽聞思蓓其實已經有一位拍咗幾年拖嘅圈外男友，近日佢兩個仲同成班朋友一齊去日本東京旅行。思蓓呢幾日將啲旅行嘅相放咗上微博，雖然相中見唔到思蓓嘅現任男友露面，但思蓓嘅舊愛李天翔原來都有同行，旅行時仲同思蓓影合照，新歡舊愛一齊去旅行，認真大方。