周一進入聯合中心，直擊公牛對紐約人的常規賽；雖然是公事，但作為公牛迷的小記，仍為第一次進入愛隊主場睇波而興奮。
同米高佐敦「合照」
第一次到聯合中心，既可以與球場外的米高佐敦「神像」合照，又可以走到courtside（場邊）睇shootaround（投籃練習），認真爽！周一因早機而未有太多時間休息，困倦的我在球員通道見到戴歷路斯，成個人即時「硬晒軚」！明知要舉起相機影相，但極度緊張的小記連講句：「HiDerrick,How'sitgoing？」都說不出來，又點樣影相？
今場比賽最困擾我的地方，就是又要寄望今次美國之旅的主角、林書豪反底成功，但又望公牛大炒紐約人，為小記第一次入場做個紀念。最後公牛贏波，路斯又成英雄，固然開心；不過因焦點還是林生，所以賽後更衣室訪問都先到客隊那邊。
當做完林瘋賽後訪問之後，走到公牛更衣室見沒有人在，心想今次要空手而回了，好彩讓我碰上了諾亞，可以不受人群擠擁下零距離接觸，真的要感謝上帝。「法國狂牛」離開前更與我合照留念，嘩！今次旅程再累都冇所謂！