關仁隱事:「火火」扮大牌自斷米路 - 關仁

關仁隱事:「火火」扮大牌自斷米路 - 關仁

內地男星「火火」出名難搞,佢當正自己好紅,合約條件辣到同荷李活明星差唔多,但佢又冇票房保證,所以搵佢拍戲嘅片商一直唔多。最初開心公司老闆「老何」都好睇火火,同佢簽咗幾部片約,點知拍完一部俾佢激到嘔血,連導演「大老爺」私下都鬧到佢飛起,到影片上映時火火又唔肯做宣傳,老闆要再三求佢先肯做一、兩個,到部戲票房唔掂後,老何都話怕咗寧願蝕訂金都唔會再搵佢拍戲!後來火火喺京城簽咗個經理人,合作冇一年就反面,佢竟然不滿經理人唔尊重佢唔叫佢做火火哥,又話經理人唔認同佢演技好過「圻叔」,鬼咁多投訴。
撰文:關仁