張栢芝同謝霆鋒舊年離婚，有指栢芝一直想同霆鋒修好，不過栢芝出盡法寶都未有進展。內地有報道指栢芝近日應山東衞視嘅邀請，下月四日會出席為清明節舉行嘅《大道清明－－2012中國孝親盛典》，劇組負責人表示，已經同栢芝簽咗約，同時有意邀請栢芝嘅前奶奶狄波拉，不過呢對前婆媳會唔會有機會破冰同台，相信機會甚微。