帶點運氣拿下一個聯賽盃，反令利記無以為繼，今季等收工？繼續同莊家鬥智，以賠率行先，今晚先撐默西賽德打吡入球「大」；再撐英冠弱旅唐卡士打，頂得住雷丁近期強勢來襲。
上周末推介冷選3.5倍嘅白禮頓[-1]，完場前開出，也帶點運氣。本欄較少周二出街，只想與波友多分享英冠形勢；不過利記今天英超主場鬥同市愛華頓，話題性不弱，以賠率取捨，亦決作本欄重心。紅藍兩軍班費天同地，利記今晚無論能否終止鄰會呢粒「藍色拖肥糖」近7場聯賽不敗、兼有機會排名被趕過頭嘅瘀事，也幾可斷定爭唔到入前4踢歐聯。杜帥今屆排陣太保守，球隊攻力疲弱，擁躉怨不得賴不得成日中柱中楣；上仗敗走新特蘭，已見杜帥肯用烏拉圭年輕中堅高亞迪斯，「嘗試開始，那怕失敗。」就算蘇亞雷斯來季要跳糟聖日耳門，亦唔使慌；今場博冷門入球「大」，希望杜帥派番安祖卡路爾擔正打雙箭頭。都入唔到波？阿蘇季後走都眼閉。
上周末睇詹sir新作「挑剔女皇」先知個Lud字點串（音可讀憟，解作縮窒），唐豬堂堂男子漢，唔應該成日咁Lud，匿埋喺「輸錢」後面；紅軍有實力有膊頭，面對粒大勇嘅「拖肥糖」亦唔使驚，放膽進攻，入球大超冷，反可一博。
排喺英冠尾二嘅「唐」卡士打，要保命都冇得縮窒；上仗作客爆冷逼和升班機會高達9成嘅韋斯咸，今次返主場面對更勇嘅英冠「3哥」雷丁，使乜驚！
下次見報(17/3)
蘋果波神
今日重心推介
熱選
唐卡士打勝[+1](1.82)
冷選
利物浦大(2.15)