高皓正個囝囝高順意出世唔夠兩個星期，佢噚日去咗新城分享湊仔心得，話仲未習慣做爸爸嘅生活，兼且發覺太太有輕微產後抑鬱：「老婆不時會擔心BB而喊，我已經推咗好多工作抽多啲時間陪佢，其實有產後抑鬱都好，可以令我哋嘅感情更進一步。」高皓正又計劃擺百日宴，又大讚陪月員非常好，解決咗佢同老婆唔少湊小朋友嘅問題，幾貴都值得。